WATCH: Lalaking nagtangka raw halayin ang isang dalagita, kinuyog ng mga sumaklolo

Sapak at tadyak ang inabot ng isang lalaki na nagtangka raw halayin ang isang dalagita sa Meycauayan, Bulacan.

Sa ulat ng GMA News "Saksi" nitong Martes, ipinakita ang video footage nang mahuli ang suspek at makatikim ng galit ng mga tao.

Kaagad daw rumesponde ang taumbayan nang marinig nila ang biktimang humihingi ng tulong.

Putikan at wala na ang sapatos ng biktima nang makita ang mga sumaklolo.

Buhay naman na isinuko ng mga tao sa pulisya ang suspek.